കഥ

 കഥ 

ഒരിടത്തൊരിടത് ഒരു കഥയുണ്ടായിരുന്നു.

ആ കഥയ്ക്കിരിക്കാൻ ഒരു കടലാസ് വേണമായിരുന്നു.

ആ കഥയേ കടലാസിലിരുത്താൻ, കടലാസിന് ഒരു പേന വേണമായിരുന്നു.

ആ പേന കടലാസിലേക്ക് മഷി ചുരത്താനാരംഭിച്ചു.

ആ മഷി കടലാസിനോടടുക്കാൻ കൂട്ടാക്കിയില്ല.

ആ കടലാസ് മഷിയോട് കേണു.

ആ കടലാസ് പേനയോട് കേണു.

ആ കടലാസ് കഥയോട് കേണു.

'കഥ'

കഥ യെ കാണ്മാനില്ല.

കടലാസ് കഥയേ തിരഞ്ഞു.

തിരഞ്ഞ് തിരഞ്ഞ് മനസിന്റെ അടുത്ത് എത്തി. കഥയേ ആരാഞ്ഞു...

അപ്പോഴേയ്ക്കും കഥ മനസ്സ് വിട്ട് മറഞ്ഞിരുന്നു...

- ഋതു